॥ गण गण गणांत बोते ॥

मी आत्ताच शेगावी जाऊन आले. तिथे गेल्यावर जे समाधान मिळते अगदी तेच समाधान मला या मंदिरात आल्यावर मिळाले. खूब प्रसन्न वातावरण आहे, "जय गजानन महाराज कि जय"

सौ. स्नेहल कमलेश बागुल, नवीन पनवेल

गणपती मंदिर, साईबाबा मंदिर, शंकर मंदिर, दत्ता मंदिर आहेत पण गजानन महाराज मंदिर नाही. रात्री सगळे झोपी गेलो. सकाळीच आईला स्वप्न पडून साक्षात्कार झाला कि सानपाडा ते वाजे जाऊन बघ मग तुला कळेल. दुपारी आईने ही गोष्ट आम्हाला सांगितली. मी सहज सानपाडा ते वाजे हा रास्ता गुगल मॅपवर शोधला. तेव्हा कळले कि नेरुळ, बेलापूर आणि नेरे दरम्यान तीन गजानन महाराज मंदिर आहेत. आज ५ जून २०१६, आईचा वाढदिवस आम्ही सर्व कुटुंबा समवेत "श्री संत गजानन महाराज" मंदिर, नेरे येथे दर्शनासाठी आलो.

सूजय शिंदे, पनवेल

मंदिर खूब सुंदर आहे. मंदिराची स्वच्छता तर खुबचं मस्त आहे. मंदिरात आल्याक्षणीच मन प्रसन्न होते. इथली शांतता स्वामींच्या चरणी ध्यान लावते. मला मंदिर खूब खूब भावले. स्वामींच्या चरणावर माझे सर्व सुख दुःख ठेवले.स्वामी सदैव माझ्या पाठीशी आहेत. गजानन महाराज कि जय

नंदा वाडीकर

भेटी लागी जिवा लागलीसे आस, अशी अवस्था झाली असता २,३ वर्षांनी पनवेल नेरे येथे गजानन मंदिर असल्याचे आमच्या जावयांनी शोधून काढले आणि आम्हाला श्री गजानन महाराजांचे दर्शन घडले. आम्ही मूळ भंडारा नागपूर ५ ते ६ वर्ष पासून रायगड जिल्हात आलो आहोत. पण महाराजांच्या दर्शना मुळे येथे सार्थक झाले असे मनापासून वाटते.

माधवी मुकुंद देशकर

गजानन महाराजांची कृपा आणि पूर्व जन्मीचे संचित म्हणून आम्हाला अलभ्य लाभ झाला. "श्री विजय ग्रंथ" पण भेट स्वरूप मिळाला आणि महाराजांचे दर्शन सुद्धा घडले. अचानक मैत्रिणीने नेरे येथे श्री गजानन महाराज शेगाव यांचे मंदिर आहे असे सांगितले. आणि आम्ही साकुटुम्ब दर्शनाला गेलो. मनापासून आनंद झाला.

मंजिरी हर्षल तळणीकर

॥गण गण गणात बोते॥ संतांचिये गावी प्रेमाचा सुकाळ, नाही तळमळ दुःख क्लेश, संतांचिये गावी असे भांडवल, विठ्ठल तो एक धनवित्त जगात ईश शक्ती आहे यात काही शंकाच नाही जाळी स्थळी काष्ठी पाषाणी तोच स्थित आहे पण अवकाश आहे तो त्याच्या अनुभूती चा. आणि तो झाला कि चराचरात मग तोच आणि फक्त तोच दिसतो म्हणूनच.......
हरी भाजनाविण काळ घालवू नको रे
विशेष म्हणजे मंदिरात येऊन येथील चैतन्य बघून हेवा वाटला तो निमित्त मात्र असलेले दिपक कन्हेरे जणू धाकटे शेगाव बनवून ठेवले आहे. त्यांनी मंदिर आणि मंदिराभोवतालची निरव आणि रमणीय शांतता आणि चैतन्य अविस्मरणीय. प्रत्येक भक्तगणांस शेगावी चा ज्वलंत अनुभव मिरवा यासाठी त्यांनी केलेला हा प्रयत्न प्रशंसेचा धनी करून ठेवतो त्यांना.
सस्नेह आभार

प्रदीप अ. फुलमडकर

मी राहणार रायपूर छत्तीसगड चा. मला लहानपणा पासून महाराजांच्या महाआरती ची गोडी असे ("करितो आरती समर्थ सद्गुरू श्री गणरायाची शेगावीचा संत गजानन योगी रायाची"). सोबत प्रगट दिनी व श्री राम नवमी ला होणाऱ्या कीर्तनाचा पण खूप छंद असे. मुंबईत जून २०१२ मध्ये आल्यानंतर पुन्हा प्रथम वर्षी प्रगट दिनाच्या दिवशी महाराजांचे दर्शन घयायची आतुरता होऊ लागली. आणि मग आम्ही श्री महाराजांच्या मंदिराचा शोध सुरु केला आणि महाराजांच्या कृपेने शेजाऱ्यांकडनं नेरे येथे महाराजांचं मंदिर आहे असे कळले. आम्ही सहकुटुंब महाराजांच्या दर्शनास आलो. महाराजांची ती बैठक आणि त्यांचे बोलके नेत्र बघून डोळे तृप्त झाले आणि मनाला खूप शांत वाटले, जणू महाराज माझ्याच कडेच बघत आहेत. त्या दिवसापासून मी आणि माझी बायको मंजिरी दोघांनी महाराजांकडे दर महिन्यात कमीतकमी एकदा तरी येण्याचे ठरवले आणि तेव्हा पासून मनात त्यांची ओढ कायम असते. आमच्या सर्वांवर महाराजांचा आशीर्वाद सदैव असू देत हीच गजाननास विनंती, जय गजानन.

हर्षल त्रिंबक तळणीकर
मंजिरी हर्षल तळणीकर